تزوج وابتسم للحياه
حوار زوج مع زوجته
--------------------------------------------------------------------------------
هو:
بدي اطلب بيتزا .. بدك اشي؟'
هي:
'لا.'
هو:
'اوكي.'
هي:
'و لا اقولك ..؟'
هو:
'ها . بدك اطلب لك كمان؟'
هي:
'مش عارفة.'
هو:
'مش عارفة اذا بدك اشي؟'
هي:
'لا.'
هو:
'انتي جوعانة؟'
هي:
'يعني .'
هو:
'شو يعني يعني...؟'
هي:
'يعني معناها مش متأكدة اذا كنت جوعانة او لا.'
هو:
'الواحد لما يكون جوعان بيعرف'
هي:
'مهو يمكن اجوع بعدين'
هو:
'معناها اطلب لك بيتزا.'
هي:
'طيب و اذا ما كنت جوعانه وقتها..؟'
هو :
'ما تاكلي.'
هي:
'بس هيك بيكون تبذير'
هو:
'طيب . بتاكليها بكرة.'
هي:
'و اذا ما كان الي نفس آكل بيتزا بكرة؟'
هو:
'هاي ما بدها نفس .. الواحد بيقدر ياكل البيتزا كل يوم '
هي:
'انا لا .. ما باكل بيتزا الا لما يكون عندي نفس للبيتزا.'
هو:
'معناها بطلب لك اشي تاني'
هي:
'بس انا ما بدي اشي تاني'
هو:
'يعني بدك بيتزا؟.'
هي:
'لا.'
هو:
'يعني ما بدك اشي؟.'
هي:
'امبلى.'
هو:
'جننتي سماي شو بدك؟'
هي:
'اطلب انت لحالك..'
هو:
'اخيرا .. ماشي..'
هي:
'بس اطلب بيتزا بالتونا'
هو:
'بس انا ما بحب التونا.'
هي:
'بس انا بحبها.'
هو:
'هو انا بدي اطلب الي و لا الك...؟!'
هي:
'الك طبعا.'
هو:
'طيب و ليش بالتونا...؟'
هي:
'يمكن اجوع لما يوصل الاكل'
هو:
'و شو يعني؟'
هي:
'بالله؟ شو يعني فكرك آكل اشي ما بيعجبني؟'
هو:
'ليش هو انتي بدك تاكلي؟'
هي:
'ل يش لا ؟'
هو:
' يا مثبت العقل و الدين .. هسه انا لازم اطلب بيتزا الي , عشان انتي تاكليها اذا كنتي جوعانه؟؟'
هي:
'بالضبط.'
هو:
'و انا شو بدي
آكل؟'
هي:
'مهو يمكن ما أكون جوعانة...'
ملاحظة: محكمة الجنايات قررت الافراج عن الزوج المتهم بتهمة 'قتل الزوجة مع سبق الاصرار و الترصد' و تحويل القضية الى 'قتل الزوجة دفاعا عن النفس
فالله يسعدكو يا شباب خلاصه الموضوع
لا تشاور مرتك ازا بدك تطلب بيتزا
ازا بتحب تاكل بيتزا لا تطلب ديلفيري روح انت عالمطعم والاحسن تاكل هناك
ازا مرتك جاي عبالها بيتزا قلها حبيبتي التلفون عندك اطلبي لحالك وانا مابدي اكل
وصدقوني بهاي النصايح بضمنلكو انكو ماترتكبو اي جريمه
وانشالله بعطيكو مواضيع الزوجيه المختصه بالاكلات التانيه
وتقبلو تحياتي
12/1/2010, 5:24 pm من طرف pnsteppn
<<< يبي ينطق