هو
انا حاكل بيتزا
اطلبلك معايا ؟
هي
لأ
هو
اوكي
هي
ولا أقولك ..؟
هو
هااا .. عاوزة اطلبلك معايا ؟
هي
مش عارفة
هو
مش عارفة اذا كنتي عاوزة ولا لأ ؟
هي
لأ
هو
انتي جعانة ؟
هي
ممممم .. يعني
هو
يعني إيه يعني ...؟
هي
يعني مش عارفة اذا كنت جعانة و لأ
هو
الواحد لما يكون جعان بيعرف
هي
مهو يمكن اجوع بعد شوية
هو
يعني اطلب لك بيتزا ؟
هي
طيب واذا ما كنتش جعانه وقتها ..؟
هو
ما تاكليش
هي
بس كده يبقى تبذير
هو
طيب .. ابقي كليها بكرة
هي
و اذا ما كانش ليا نفس آكل بيتزا بكرة ؟
هو
مالهاش دعوة بالنفس .. الواحد ممكن ياكل البيتزا كل يوم
هي
انا لأ .. ما باكلش بيتزا إلا لما يكون عندي نفس للبيتزا
هو
طيب .. يبقى اطلبلك حاجة تانية
هي
بس انا مش عاوزة حاجة تانية
هو
يعني عاوزة بيتزا ؟
هي
لأ
هو
يعني مش عاوزة حاجة ؟
هي
لأ .. عاوزة
هو
جننتيني .. طب عاوزة ايه ؟
هي
خلاص .. اطلب انت لوحدك
هو
اخيرااا .. اوك
هي
بس اطلب بيتزا بالتونا
هو
بس انا ما بحبش التونا
هي
بس انا بقى بحبها
هو
هو انا حطلب ليا ولا ليكي ؟
هي
ليك طبعا
هو
طيب .. وليه بقى اطلبها بالتونا ...؟
هي
يمكن اجوع لما يوصل الاكل
هو
يعني إيه ؟
هي
ياسلااااام ؟ يعني انت عاوزني آكل حاجة مش عجباني ؟
هو
ليه ..؟؟ هو انتي عاوزة تاكلي ؟
هي
ليه لأ ؟
هو
يا مثبت العقل و الدين
يعني انا دلوقتي لازم اطلب ليا بيتزا بالتونا
عشان انتي تاكليها لو كنتي جعانة ؟؟
هي
بالظبط كده ياحبيبي
هو
و انا حاكل إيه ؟
هي
مهو يمكن ساعتها انا ما اكونش جعانة
ملاحظة
محكمة الجنايات قررت الافراج عن الزوج المتهم بتهمة
قتل الزوجة مع سبق الاصرار و الترصد
وتحويل القضية الى قتل الزوجة دفاعا عن النفس
12/1/2010, 5:24 pm من طرف pnsteppn
